Një edukatore duke bashkëvepruar me fëmijët në klasë

Planprogrami
i Mindo-s

Planprogrami i Mindo-s është një kornizë e menduar me kujdes që mbështet zhvillimin e fëmijës, duke i lënë njëkohësisht hapësirë kureshtjes, ritmit dhe individualitetit të tij.

Gjatë vitit, fëmijët eksplorojnë tema, ide, materiale dhe përvoja të ndryshme që mbështesin zhvillimin e tyre emocional, social, gjuhësor, fizik dhe kreativ. Disa tema planifikohen paraprakisht, ndërsa të tjera lindin natyrshëm nga pyetjet, interesat dhe zbulimet që fëmijët bëjnë çdo ditë.

Pse ka rëndësi kjo?

Sepse fëmijët mësojnë më thellë kur ajo që po përjetojnë ka kuptim për ta. Kur një temë lidhet me një pyetje që ata kanë bërë. Kur një projekt lind nga diçka që i ka bërë kuriozë. Kur të nxënit nuk ndihet si detyrë, por si zbulim.

Në MINDO, planprogrami nuk ka për qëllim vetëm të përgatisë fëmijët për shkollë. Ka për qëllim t’i ndihmojë të ndërtojnë bazat që do t’i shoqërojnë gjatë gjithë jetës: sigurinë, kureshtjen, mendimin kritik, pavarësinë dhe dashurinë për të mësuar.

Çfarë përfshin
planprogrami?

Zhvillimin emocional dhe social

Gjuhën dhe komunikimin

Kreativitetin dhe shprehjen artistike

Eksplorimin shkencor dhe kureshtjen

$\text{[math]}$

Matematikën e hershme përmes lojës

Lëvizja dhe zhvillimi motorik

Aftësitë praktike të jetës dhe pavarësia

Lidhja me natyrën dhe të mësuarit në natyrë

Si ndërtohet planifikimi?

Edukatorët vëzhgojnë vazhdimisht fëmijët, dokumentojnë interesat e tyre dhe planifikojnë përvoja që ndërtohen mbi atë që fëmijët po përpiqen të kuptojnë dhe të eksplorojnë. Kjo do të thotë se planprogrami është diçka që e ndërtojmë bashkë me fëmijët.

Gjuha, Arti, Muzika, Lëvizja dhe Eksplorimi

Fëmijët mësojnë në mënyrë të integruar përmes lojës, përvojave dhe eksplorimit të përditshëm.

Gjuha dhe komunikimi

Përmes tregimeve, këngëve dhe lojës, fëmijët zhvillojnë gjuhën, fjalorin dhe komunikimin.

Arti dhe krijimtaria

Fëmijët eksplorojnë ngjyra, forma dhe materiale, duke zhvilluar imagjinatën dhe kreativitetin.

Lëvizja dhe aktiviteti fizik

Përmes lojës dhe aktivitetit fizik, fëmijët zhvillojnë koordinimin, ekuilibrin dhe vetëbesimin.

Muzika dhe ritmi

Këngët, ritmi dhe instrumentet ndihmojnë në zhvillimin e dëgjimit, koordinimit dhe shprehjes.

Shkenca dhe eksplorimi

Përmes natyrës dhe eksperimenteve të thjeshta, fëmijët zhvillojnë kureshtjen dhe mendimin kritik.

Zhvillimi emocional dhe social

Fëmijët mësojnë të bashkëpunojnë, të komunikojnë dhe të kuptojnë emocionet e tyre dhe të të tjerëve.

Planprogrami i Mindo-s